القيود العائلية ومشاكلها

 

 الاوراق المطلوبه للقيود ، والمشاكل ال ممكن تواجهك بحلها

اولا : الاوراق المطلوبه للقيود العائليه ......

1 : قيد الاب 

• صورة بطاقه الوالد 

• صورة بطاقة الوالده 

• شهايد ميلاد الابناء بما فيهم انت/ي كومبيوتر

• اذا كان الوالد متزوج اكثر من زوجه هتجيب/ي صورة بطاقة الزوجه الثانيه ، وصورة قسيمة الزواج كومبيوتر 

• ف حالة وفاه فرد من افراد الاسره تحضر صورة شهادة الوفاه 

ثانيا : قيد الجدين

1 : ف حالة الوفاه 

• صورة شهادة الميلاد للجد بالاضافه لصورة شهادة الوفاه مميكنه

• صورة شهادة الميلاد للجده بالاضافه لصورة شهادة الوفاه مميكنه 

• صورة قسيمة الزواج ورقيه قبل عام 1962 وكومبيوتر بعد عام 1962

• صورة شهادات الميلاد الابناء او صورة البطاقات المميكنه 

2 : ف حالة ع قيد الحياه 

• صورة بطاقة الجد 

• صورة بطاقة الجده 

• صورة قسيمة الزواج ورقيه قبل 62 وكومبيوتر بعد 62 

• صورة شهادات ميلاد الابناء او او البطاقه 

دا الورق ال حضرتكم تحضروه وتاخده وتروح بيه القسم ال انت تابع ليه وتعمل قيد مميكن 

ثانيا : المشاكل او الاخطاء ال ممكن تلاقيها ف القيد العائلي 

1 : اهم حاجه ف القيود ان اسم الاب والجدين ميكنش فيهم غلط يعني مثلا والدك المفروض اسمه احمد محمد محمد لقيت اسمه احمد محمود محمد وبقية اخواته الاسم التاني محمد مش محمود والجد بردو اسمه محمد لكن الغلطه عند والدك 

• حلها ان حضرتك تاخد صور شهايد اخوات والدك وصورة شهادة جدك وتطلع ع السجل وتقله عايز استماره 124 تصحيح هتملاها وتقدم شهايد الميلاد فيه لجنه بتتجمع كل 15 او 20 يوم لتصحيح الاسماء هتصحح الاسم وهتاخد شهادة ميلاد صحيحه وتروح المركز تطلع قيدك عادي 

وكذالك لو فيه غلط ف اي من اخواتك عمامك خوالك 

2 : لو كان عندك اخوات او اعمام وخلان اتوفوا وهما صغيرين او ف منهم ع قيد الحياه لازم يظهروا ف القيد المميكن ممكن ميظهروش ف الورقي ولو مظهروش ف المميكن متكتبهمش ف الملف

3 : لو مش معاك قسيمة زواج سواء للوالدين او الجدين او لو الجد متزوج اكثر من زوجه وفيه واحده منهم مش معاك قسيمة زواجها ومش لاقيها 

• هتروح المحكمه لقسم الاحوال المدنيه وهتكون كاتب ف ورقه اسم الزوج والزوجه وتاريخ الزواج وهتدور عليها ف الدفتر ال هيدهولك الموظف ولما تلاقيها هتصورها وهيختمهالك بختم المحكمه او ممكن تروح لمحامي هيجبهالك تاني يوم 

4 : لو مش لاقي شهايد وفاه اجبها منين وازاي

• هتاخد تاريخ الوفاه وهتروح المركز التابع له وتكون معاك بطاقتك ولازم يكون اله تطلعله شهاده الوفاه يكون فيه صلة قرابه بينك وبينه